Батга эмчилгээний ДИПАЛЕН (Dipalen) гел (Адапален 0.1% нь витамин А уламжлал буюу III үеийн ретинойд бөгөөд

ДАВУУ ТАЛ: Адапален нь арьсанд дасал үүсгэхгүй тул санаа зовох зүйлгүй урт хугацаанд хэрэглэх боломжтой, гаж нөлөө хамгийн бага батганд хамгийн үр дүнтэй ретинойдын төрөл юм.

Бүх төрлийн батганы эмчилгээ болон батганы дахилтаас сэргийлж барих эмчилгээнд түрхэж хэрэглэнэ.

ЗААВАР: Цэвэрлэсэн, хуурай арьсанд оройд 1 удаа нимгэн жигд түрхэнэ. 1 удаад хэрэглэхдээ жижигхэн шош(pea size)-ийн хэмжээтэй авч нүүрний гадаргууд жигд тарааж зөөлөн түрхэнэ.

Анх удаа ДИПАЛЕН гелийг хэрэглэх бол дараах зөвлөмжийг дагана уу.

a. Хачиртай талхны арга/сэндвич зарчим/: чийгшүүлэгч + дипален + чийгшүүлэгч (хоорондын зай 15 минут) 7-21 хоног

b. Чийгшүүлэгч + дипален дарааллаар 7-21 хоног

c. Арьс дипален гелд цочрохгүй дассан үеэс дипален гелийг эхэлж түрхээд дараа нь чийгшүүлэгч тосоо хэрэглэх нь арьсаа цочроохгүй аажим дасгаж, эмчилгээний үр нөлөөг нэмэгдүүлнэ.

ҮЙЛЧИЛГЭЭ: Арьсны гуужилтийг тэнцвэржүүлэх, бичил тосон бөглөө (микрокомедон) үүсэхээс урьдчилан сэргийх (антикомедоген), нэгэнт үүссэн тосон бөглөөг задлах (комедолитик), мөн батганы үрэвслийн эсрэг үр дүнтэй нөлөөлнө.

Хар, цагаан батга, үрэвсэлт идээт батга, хүнд хэлбэрийн зангилаат, цист батга ч бай бүгд микрокомедоноос үүсдэг тул дипален гелийг 8-12 долоо хоног ба түүнээс урт хугацаанд батганы эмчилгээнд болон сэдрэлээс урьдчилан сэргийлэх, эмчилгээний үр дүнг барих зорилгоор хэрэглэнэ.

САНАМЖ:

Дипален гелийг чийгтэй нойтон арьсанд болон чийгтэй гараар түрхэхгүй, эмчилгээний үр дүнг бууруулна.
Дипален гелийг хэрэглэх давтамжийг ихэсгэсэн ч үр нөлөө нь нэмэгдэхгүй, эдгэрэлт нь түргэсэхгүй! Харин арьс улайх, гуужиж хуурайших, амархан улайж цочрох зэрэг шинж тэмдгүүд илэрч болно. Иймд оройд 1 удаа нимгэн тууштай түрхээд үр дүнг хүлээхэд хангалттай. Эмчилгээний бодит үр дүн 8-12 долоо хоногт илэрнэ.

Гелийг нүдэнд оруулахаас сэргийлж нүднээс зайтай түрхэх. Зовхи орчим арьсыг хамгаалахын тулд зовхины эсвэл нүүрний чийгшүүлэх тосыг дипален гел түрхэхээс өмнө түрхэж болно. Мөн уруулын салст, хамрын дотор хэсэгт түрхэхгүй!

Дипален гелийг бусад батганы эм, тухайлбал клиндамицин, бензоилын хэт исэлтэй хавсарч хэрэглэж болно. Хавсарч хэрэглэх эмчилгээний бүтээгдэхүүнийг өглөөд хэрэглэх нь тохиромжтой.

Хэрэв дипален гелийг хэрэглэхээс өмнө өөр төрлийн эм, тос түрхэж хэрэглэснээс болж арьс хэт гуужиж, эмзэгшиж улайж цочирсон бол арьсны цочролыг бүрэн намдсаны дараа буюу баррьер сэргэсний дараагаар хэрэглэнэ үү.

Батганы гелийг хэрэглэх хугацаанд арьсаа түлэгдтэл наранд ил удаан явахаас зайлсхийж (нарны болон хиймэл гэрлийн нөлөөнд өртөх хугацааг аль болохоор багасгах хэрэгтэй), сайтар чийгшүүлж, нарны хамгаалалтын бүтээгдэхүүн хэрэглэнэ. Нарны гэрэлд байнга өртдөг ажилтай, нарны харшил, наранд төрөлхийн мэдрэмтгий хүмүүст болгоомжтой хэрэглэнэ. Шаардлагатай бол давхар хамгаалалтууд хэрэглэх (шүхэр, нарны малгай, нарны хувцас, сүүдэр бараадаж алхах г.м)

Арьсны цочрол үүсгэж болзошгүй, хэсэг газарт түрхэж хэрэглэдэг бүтээгдэхүүнүүд болох хүчтэй цэвэрлэх үйлчилгээтэй саван, хатаах, аргаах ба гуужуулах скраб, спирт зэрэг бодис болон гоо сайхны ажилбарууд, арьс гуужуулах үйлчилгээнд орох мөн халуун ногоо, лайм зэрэг ургамлын өндөр агууламжтай бүтээгдэхүүн хэрэглэхээс зайлсхийх хэрэгтэй.
Энэ эмэнд агуулагдаж буй туслах бодисуудад (propylene glycol, methyl parahydroxybenzoate) хэт мэдрэг өвчтөнд сэрэмжтэй хэрэглэхийг зөвлөнө.

ХОРИГЛОХ ЗААЛТ: Дипален гелийн найрлага дах бодист хэт мэдрэмтгий харшилтай болон арьс зүсэгдсэн, зулгарсан шархтай, наранд түлэгдэж гэмтсэн үед, экземтэй өвчтөнүүд хэрэглэхийг хориглоно.

ГАЖ НӨЛӨӨ: Зарим гаж нөлөө ихэвчлэн эмчилгээний эхний сард ажиглагддаг бөгөөд цаашдаа давтамж ба хүндрэл нь багасдаг.

1. Өвчтөнүүдийн ойролцоогоор 20%-д гелийг түрхэнгүүт чимчигнэх, загатнах мэдрэмж илэрч болно. Энэ үед хачиртай талхны аргаар хэрэглэхэд аажимдаа энэ шинж арилна. Мөн хэд хоногийн дараагаас арьс хуурайшиж, улайх шинж илэрвэл дипален гелийг өнжөөд 1 удаа буюу 2-3 хоногт 1 удаа хэрэглэж аажим дасгаж болно.

2. Харин хавагнах, хүчтэй загатнах, улайх, харшлын тууралт гарах зэрэг шинж илэрвэл гелийг хэрэглэхээ бүрэн зогсоож, эмчид хандана.

3. Эмчлүүлэгчдийн 10-40%-д нь арьс улайх, ихээр гуужиж хуурайших, шалбарах, загатнах, хорсох буюу чимчигнэх зэрэг гаж нөлөө илэрч болно.

4. Эмчлүүлэгчдийн 1% ба түүнээс бага хувьд арьс цочрох, хорсох, хатгаж өвдөх, улайх, наранд борлож түлэгдэх, батга нэмэгдэх зэрэг нэмэлт гаж нөлөө илэрдэг болох нь судлагдсан.

ЖИРЭМСЭН, ХӨХҮҮЛ ЭХЭД ХЭРЭГЛЭХГҮЙ! Жирэмслэхээр төлөвлөж байгаа үед ч хэрэглэхийг зөвлөмж болгохгүй. Бусад азелайны хүчил зэрэг жирэмсэн үед хэрэглэж болох батга эмчилгээний найрлагуудаас сонгож хэрэглэнэ үү.

ХҮҮХДЭД ХЭРЭГЛЭХ: Дипален гелийг 12-с дээш насныханд хэрэглэнэ.

15мг савалгаатай.

Үйлдвэрлэгч: “Genuone Science”, БНСУ, Сөүл хот

Монгол дах албан ёсны дистрибьютор: “Нано Фарм Трейд”,

Утас: +976 7745 0303; 8090 3069

Фройка - Үс уналтын эсрэг багц

Төстэй бүтээгдэхүүн

Фройка - Үс уналтын эсрэг багц