Азелайны Глицин Комплекс (Azelaic Glycin Complex)

Батга үүсгэгч нянгийн хөгжлийг дарангуйлах, үрэвслийн эсрэг үр дүнтэй нөлөөлж халдваргүйжүүлнэ. Мөн хөнгөн зэргийн гуужуулах, цайруулах, арьсны өнгө сэргээх, тослог бууруулах зохицуулах, нөхөн төлжилтийг нэмэгдүүлэх үйлдэлтэй.

Цайрын давс (Zinc Salt/ Zinc PCA/Pyrrolidone Carboxylic Acid)

Цайрын давс нь үрэвсэлт батганы эмчилгээнд дан цайрын ионоос илүү арьсанд шингэх чадвартай тул үр дүн өндөр байдаг. Тосны булчирхайн ялгаруулалтыг бууруулж, үрэвсэл, улайлтын эсрэг нөлөөлнө. Батганы үрэвслийн улмаас гэмтсэн эсүүдийн нөхөн төлжилтийг сайжруулна. Мөн цайрын давс нь өөрөө байгалийн чийгшүүлэгч хүчин зүйл тул (Natural Moisturizing Factor-NMF) арьсыг чийгшүүлж, хамгаална. Цайр нь анти-бактериал буюу батга үүсгэгч нянг устгах үйлдэлтэй.

Зэсийн PCA (Cupper PCA/Pyrrolidone Carboxylic Acid)

AC Liqiud Cleanser угаагч маань хөх-цэнхэр өнгөтэй харагддаг нь уг зэсийн давсны өнгө юм. Үрэвслийн эсрэг үйлчлэхдээ дархлааны эсүүдийн (гранулоцит болон бусад үрэвслийн эсүүдийн) идэвхижилтийг бууруулж, зохицуулдагтай холбоотой. Зэс нь коллагены нийлэгжилтийн үйл явцад хурдасгуур болоод зогсохгүй арьсны хэвийн дархлаа, шарх эдгэрэх үйл явц чухал ач холбогдолтой. Арьсны үхсэн эсүүдийг эпитель эсүүдээс салгаж гуужилтыг хялбар болгоно. Нян бактерийн бодисын солилцоог зогсоож тэдгээрийг устгана.

Гиалуроны хүчил (Hyaluronic acid)

Маш сайн чийгшил өгч, үрэвслийг багасгаж, арьсыг чийгээ алдахаас сэргийлэн, уян хатан чанарыг нэмэгдүүлж, үрчлээний эсрэг үйлчилнэ. Арьс жил бүр 1%-р гиалуроны хүчилээ алдаж байдаг. Иймд зайлшгүй  нэмэлтээр хэрэглэх шаардлагатай.

Гликолик АХА (Glycolic AHA)

Арьсны үхсэн эсүүд, тос, нянгийн бөглөрөлийг гуужуулах үйлдэлтэй. Батганы соривжилт, үрэвслийн дараах нөсөөжилт, хар нүхжилт үүсэхээс сэргийлнэ.

Никотинамид буюу витамин В3 (Nicotiamide /Vitamin B3)

Церамидын биосинтезийг нэмэгдүүлнэ. Үрэвслийн эсрэг нөлөөлнө. Тослог ялгаралтыг багасгана.

Аллантойн (Allantoin)

Нөхөн төлжилтийг идэвхижүүлж, соривжилтыг багасгах болон урьдчилан сэргийлнэ.